एक कविता तुझ्यासाठी ...

एक कविता तुझ्यासाठी
तुझ्या आठवणीत रचलेली
तुझ्या अंतरंगात डोकावून
शब्द मनातून वेचलेली.

आठवण तुझी प्रत्येक ओळीत
लिहिताना तूच दिसलेली
कवितेची प्रत्येक ओळ
तुझ्यापासून सुचलेली.

प्रारंभ तर सोपाच होता
मात्र शेवट जरा जड वाटला
तुझ्या कवितेच्या प्रत्येक ओळीत
मला आपलेपणा वाटला.

दिवसाचे ही स्वप्न तू
मी तुलाच शोधत आहे
तुझ्या आठवणीत तुझ्यासाठी
तुझी कविता लिहीत आहे.